Үйлчилгээний нөхцөл
Шинэчилсэн: 2026-10-14
Learby (learby.io) нь WheatNd LLC (Улаанбаатар, Монгол Улс)-ийн хятад хэл сурах онлайн платформ юм. Та бүртгүүлж, сайтыг ашигласнаар доорх нөхцөлийг хүлээн зөвшөөрсөнд тооцогдоно.
1. Бүртгэл
- Нэг хүн нэг бүртгэл үүсгэнэ. Бүртгэлийн нэр, и-мэйл, нууц үгээ үнэн зөв өгч, нууц үгээ бусдад дамжуулахгүй байх үүрэгтэй.
- Таны бүртгэлээр хийгдсэн бүх үйлдлийн хариуцлагыг та хүлээнэ. Бүртгэл алдагдсан гэж сэжиглэвэл нэн даруй нууц үгээ соль.
- Энэ платформ нь 13 ба түүнээс дээш насны хэрэглэгчдэд зориулагдсан. 13-аас доош насны хүүхдийн бүртгэл илэрвэл УСТГАНА.
2. Зөвшөөрөгдөх хэрэглээ
- Чат, фийд, сэтгэгдэл зэрэг нийтийн хэсэгт доромжлол, заналхийлэл, садар самуун, үзэн ядалт, зар сурталчилгаа, хууль бус агуулга нийтлэхийг хориглоно.
- Бусдын нэрийг хуурамчаар ашиглах, автомат хэрэгслээр агуулга татах (scraping), системд халдах оролдлого хийхийг хориглоно.
- Эдгээрийг зөрчсөн тохиолдолд бүртгэлийг урьдчилан мэдэгдэлгүйгээр түдгэлзүүлэх эсвэл устгах эрхтэй.
- Хэрэглэгч бүр зохисгүй контентыг «Мэдээлэх» товчоор мэдээлэх, доромжилсон хэрэглэгчийг «Блоклох» боломжтой. Бид мэдээлэл бүрийг 24 цагийн дотор хянаж, зөрчсөн контентыг устгаж, шаардлагатай бол бүртгэлийг хаана.
- Нийтэд харагдах бичвэрт автомат шүүлтүүр ажилладаг — зохисгүй үг агуулсан бичвэр огт нийтлэгдэхгүй.
3. Оюуны өмч
- Сайт дээрх үгсийн сан, жишээ өгүүлбэр, дуудлагын бичлэг, унших/бичих материал, зохион байгуулалт нь Learby-гийн оюуны өмч бөгөөд зохиогчийн эрхээр хамгаалагдана.
- Эдгээрийг зөвшөөрөлгүйгээр хувилах, тараах, худалдах, өөр платформд байршуулахыг хориглоно. Хувийн суралцах зорилгоор ашиглахыг зөвшөөрнө.
- Таны өөрийн нийтэлсэн агуулга (пост, сэтгэгдэл, тэмдэглэл) таных хэвээр. Гэхдээ та түүнийг сайт дээр харуулах эрхийг бидэнд олгоно.
4. Төлбөрт гишүүнчлэл (⭐ Алтан гишүүн)
- Бүтээгдэхүүн: «Learby Gold — ⭐ Алтан гишүүн». Хугацаа: 1 сар эсвэл 1 жил. Энэ нь автоматаар сунгагддаг (auto-renewable) subscription юм. Үнэ нь худалдан авахаас өмнө аппын төлбөрийн цонхонд болон App Store дээр тухайн улсын валютаар харагдана.
- Юу нээгдэх вэ: унших, бичих, сонсох дасгал, ном, видео сэдэв, PDF материалын үнэгүй хязгаарлалт арилна. Subscription дуусмагц хязгаарлалт эргэж тавигдана; таны суралцсан явц, тэмдэглэл, бүртгэл хэвээр үлдэнэ.
- Төлбөр: Apple App Store-оор худалдан авсан тохиолдолд төлбөрийг худалдан авалтыг баталгаажуулах үед таны Apple ID дансанд бичнэ.
- Автомат сунгалт: Идэвхтэй хугацаа дуусахаас доод тал нь 24 цагийн өмнө автомат сунгалтыг унтраагаагүй бол subscription өөрөө сунгагдана. Сунгалтын төлбөр хугацаа дуусахаас өмнөх 24 цагийн дотор бичигдэнэ.
- Цуцлах, удирдах: Худалдан авсны дараа төхөөрөмж дээрээ Тохиргоо → [таны нэр] → Subscriptions хэсэгт орж автомат сунгалтыг унтраана. Төлбөр төлчихсөн идэвхтэй хугацааг дундаас нь цуцлах боломжгүй — үйлчилгээ тухайн хугацааны эцэс хүртэл үргэлжилнэ.
- Буцаалт: App Store-оор хийсэн худалдан авалтын буцаалтыг Apple өөрөө шийддэг (reportaproblem.apple.com). Бид Apple-ийн шийдвэрийн дагуу эрхийг тохируулна.
- Үнэгүй туршилт: Үнэгүй туршилтын хугацаа санал болгосон бол, түүнийг дуусахаас өмнө subscription худалдаж авбал үлдсэн үнэгүй хугацаа хүчингүй болно.
- Үнийн өөрчлөлт: Үнэ өөрчлөгдвөл Apple-ийн журмын дагуу урьдчилан мэдэгдэж, шаардлагатай тохиолдолд таны зөвшөөрлийг авна. Зөвшөөрөөгүй бол дараагийн сунгалт хийгдэхгүй.
- Вэбээр авсан ⭐: learby.io дээр банкны шилжүүлгээр авсан ⭐ эрх нь Apple-аас ТУСДАА бөгөөд автоматаар сунгагддаггүй. Аль ч замаар авсан ⭐ нь вэб, апп хоёуланд адил нээгдэнэ.
- Нууцлал: Худалдан авалттай холбоотой өгөгдлийг хэрхэн боловсруулдгийг Нууцлалын бодлого (learby.io/privacy) хуудсанд бичсэн.
- Энэхүү Үйлчилгээний нөхцөл нь Apple App Store-оор хийгдсэн худалдан авалтад хамаарах эцсийн хэрэглэгчийн лицензийн гэрээ (EULA) мөн болно.
5. Үйлчилгээний тасалдал
- Платформыг "байгаагаар нь" (as is) санал болгоно. Тасралтгүй ажиллагаа, алдаагүй байдлыг баталгаажуулахгүй.
- Засвар үйлчилгээ, техникийн шалтгаанаар үйлчилгээ түр тасалдаж болно. Боломжтой бол урьдчилан мэдэгдэнэ.
6. Нөхцөлийн өөрчлөлт
- Энэ нөхцөлийг шинэчилж болно. Чухал өөрчлөлтийг сайт дээр мэдэгдэнэ. Шинэчилсний дараа үргэлжлүүлэн ашиглавал шинэ нөхцөлийг зөвшөөрсөнд тооцно.
7. Холбоо барих
- Асуулт, гомдол: batuchiny@gmail.com