Нууцлалын бодлого
Шинэчилсэн: 2026-10-14
Learby (learby.io) — WheatNd LLC (Улаанбаатар, Монгол Улс) — таны хувийн мэдээллийг хэрхэн цуглуулж, ашиглаж, хамгаалдгийг энэ баримтад тодорхойлов. Бид өгөгдлийг ЗАРАХГҮЙ, зар сурталчилгаанд ашиглахгүй.
1. Бид ямар өгөгдөл цуглуулдаг вэ
- Бүртгэлийн мэдээлэл: хэрэглэгчийн нэр, и-мэйл хаяг, утасны дугаар (өгсөн бол), нууц үг (зөвхөн шифрлэгдсэн хэлбэрээр хадгална — бид таны нууц үгийг харж чадахгүй), профайл болон ковер зураг.
- Google, Facebook, Apple-ээр нэвтрэх: эдгээрийн аль нэгээр нэвтэрвэл тухайн үйлчилгээнээс зөвхөн таны хэрэглэгчийн ID, нэр, и-мэйл хаяг-ийг авна (Apple-ийн «Hide My Email» сонговол түүний орлох хаягийг). Нэрийг хэрэглэгчийн нэр санал болгоход нэг удаа, и-мэйлийг бүртгэлийн холбоо барих хаяг болгон, ID-г таныг дараа дахин танихад ашиглана. Apple-ээр нэвтэрвэл бүртгэл устгахад Apple дахь Learby-ийн зөвшөөрлийг цуцлахын тулд Apple-ийн өгсөн токеныг шифрлэж хадгална. Бид таны нууц үг, найзын жагсаалт, зураг, пост зэргийг АВАХГҮЙ, тэдгээр үйлчилгээнд юу ч нийтлэхгүй.
- Суралцахуйн өгөгдөл: үзсэн үг, тэмдэглэсэн/ойлгосон үгс, түвшин, өдөр тутмын идэвх, унших/бичих/сонсох материалын явц, тэмдэглэл, таалагдсан тэмдэг, хувийн зорилго.
- Нийгмийн агуулга: чат (хувийн ба нийтийн), фийдийн пост, сэтгэгдэл, реакц, найзын хүсэлт, мэдэгдэл.
- Техникийн бүртгэл: нэвтрэлтийн түүх, хуудас зочилсон бүртгэл, онлайн төлөв, IP хаяг, хөтөч/төхөөрөмжийн төрөл. IP хаягийг зөвхөн аюулгүй байдалд ашиглана — байршил тодорхойлоход ХЭРЭГЛЭХГҮЙ.
- Мэдэгдлийн токен: гар утасны аппаас ирсэн push токен, платформ (Android/iOS), аппын хувилбар.
- Хүсэлтүүд: PDF татах хүсэлт, нууц үг сэргээх хүсэлт, санал хүсэлт, санал асуулгын хариулт.
2. Юунд ашигладаг вэ
- Бүртгэл үүсгэх, нэвтрүүлэх, таныг таних.
- Суралцахуйн явцыг хадгалж, дараагийн удаа үргэлжлүүлэх, давталтын сануулга өгөх.
- Чат, фийд зэрэг нийгмийн боломжийг ажиллуулах.
- Мэдэгдэл (чат, найзын хүсэлт, зарлал) хүргэх.
- Аюулгүй байдал — халдлага, хуурамч бүртгэл, зүй бус хэрэглээг илрүүлэх.
- Системийн алдааг олж засах, үйлчилгээг сайжруулах.
3. Гуравдагч талууд
- Google Fonts — үсгийн фонт ачаалахад таны IP хаяг Google-д харагдана.
- Google Firebase Cloud Messaging (FCM) — гар утасны аппад мэдэгдэл хүргэхэд ашиглана. Мэдэгдлийн токен тэдгээрт дамжина.
- Google, Facebook (Meta), Apple — зөвхөн та тэдгээрээр нэвтрэхийг сонгосон үед: нэвтрэлтийг тэдгээрийн өөрийн хуудас/цонхонд хийж, бид §1-д заасан мэдээллийг л авна. Learby дахь таны өгөгдлийг тэдэнд дамжуулахгүй.
- Cloudflare — сайтыг халдлагаас хамгаалж, хурдасгах (CDN) үйлчилгээ; бүх холболт түүгээр дамждаг.
- Өөр ямар ч сурталчилгааны сүлжээ, аналитикийн үйлчилгээ (Google Analytics, Facebook Pixel г.м.) ашигладаггүй.
- Бид таны хувийн мэдээллийг гуравдагч этгээдэд ЗАРАХГҮЙ, түрээслүүлэхгүй.
4. Күүки (cookie)
- Зөвхөн ажиллагаанд шаардлагатай күүки ашиглана: нэвтрэлтийн session, «Намайг сана», сонгосон хэл, харагдацын тохиргоо.
- Сурталчилгаа болон мөрдөх (tracking) күүки байхгүй.
5. Хадгалах хугацаа, хамгаалалт
- Өгөгдлийг бүртгэл идэвхтэй байх хугацаанд хадгална. Бүртгэл устгуулах хүсэлт гаргавал §7-г үзнэ үү.
- Холболт HTTPS-ээр шифрлэгдэнэ. Нууц үг нэг талын хэшээр хадгалагдана.
- Баазын нөөц хуулбарыг тогтмол авдаг бөгөөд устгасан өгөгдөл нөөцөөс 30 хоногийн дотор бүрэн арилна.
6. Таны эрх
- Өөрийн мэдээллээ үзэх, засах — профайл хуудаснаас.
- Бүртгэл болон өгөгдлөө устгах — Профайл → «Бүртгэлээ устгах» эсвэл Өгөгдөл устгах хуудсаар ӨӨРӨӨ шууд устгана (хүлээх шаардлагагүй).
- Google, Facebook эсвэл Apple-ээр нэвтэрсэн бол тухайн үйлчилгээний тохиргооноос Learby-г хасаж болно (Facebook: Settings → Apps and Websites). Энэ нь зөвхөн холбоосыг цуцална — Learby дахь өгөгдлөө устгахын тулд дээрх алхмыг хийнэ.
- Асуулт, гомдол: batuchiny@gmail.com
7. Хүүхдийн нууцлал
- Платформ нь 13 ба түүнээс дээш насны хэрэглэгчдэд зориулагдсан. 13-аас доош насны хүүхдийн бүртгэл илэрвэл мэдээллийг нь устгаж, бүртгэлийг хаана.
8. Бодлогын өөрчлөлт
- Энэ бодлогыг шинэчилж болно. Чухал өөрчлөлтийг сайт дээр мэдэгдэнэ. Шинэчилсэн огноо хуудасны дээд талд байна.